HSSLC Top 4 C. Lalremruati leh GHSS Lecturer te chawimawi

Hnahthial : Vawiin khan Group YMA Hnahthial leh Block MHIP Hnahthial huaihawtin GHSS Building-ah tunhnaia HSSLC result chhuaka Arts Subject-a top 4 C. Lalremruati leh Higher Secondary lecturer te chawimawina hun hman a ni
He hun Pu P. Biakkunga, President Group YMA kaihhruai-ah hian C. Lalremruati hi Joint YMA, Block MHIP, Group YMA, Hnahthial North VC, SDEO Office ten thilpek hlu tak tak an pe a, ani bakah hian Higher Secondary lecturer te Group YMA leh Block MHIP te chuan lawmpuina leh chawimawina par\hi an awrhtir vek a ni. Pu C. Lalbiakzauva, SDEO leh Pi Laltinkhumi Hnamte, Vice Principal GHSS bakah C. Lalremruati chhung te a\anga thusawi ngaihthlak a ni a, Pu V.L. Liansanga, Secretary Group YMA chuan lawmthu sawiin kalkhawmte a \hin a ni. C. Lalremruati hi Govt. Primary School VI a\angin Class - IV Distinction-ah a pass-a Govt. Middle School Hnahthial a\angin Class - VII Distriction-ah bawk a pass leh a, Class - X hi Thankhuma Sailo High School a\angin I Division-ah pass lehin Class - XII hi Govt. Higher Secondary School Hnahthial a\angin Arts-ah Distinction-a pass in Mizoram pum-ah 4-na a ni.