Mens & Women Open Hockey tournament hawn a ni

Pu Zoliana Royte, Director Sports & Youth Services Mizoram chuan vawiin khan HBSC Ground Hnahthial-ah Mens & Women Open Hockey tournament Hnahthial Hockey Association buatsaih a hawng.
He hun Pu F. Liankima, Vice President HHA kaihhruai-ah hian Pu R. Lalbiakzuala, President HHA chuan thusawina hun a hmang a, Pu Lalchamliana Sailo, Treasurer HHA chuan Technical Report a peka a tarlan danin tun open hi a vawi khatna a nih thu leh kum lehah pawh khelh leh anih tur thu te, knockout system-a khelh tur a ni dawn a, mipa leh hmeichhia team 10 ve ve an chhuah thu te a report bawk a ni.
Khuallian Pu Zoliana Royte chuan hawnna thu sawiin Sports & Youths Services hi sorkarin a ngaih pawimawh thu hle hma nasa taka a lak thu te, tun sorkar-ah hian Lammual-a Artificial Turf phah nan cheng vaibelchhe 4 hman a nih thu te, Mualpuia Stadium sak nan cheng vaibelchhe 25 te, Champhaia Hall lian Basketball khelh theihna tur sak nan cheng vaibelchhe 10, hetiang tho hi Aizawl-a sak nan cheng vaibelchhe 11, Thenzawl Hockey ground-a Artificial Turf phah nan cheng vaibelchhe 3.6 a awm thu te, Kawnpuiah hetiang siam nan tho cheng vaibelchhe 5 a awm thu a sawi bawk a ni. Heng bakah hian Football Academy leh hmun hrang hranga hostel siam leh chei \hat nan cheng vaibelchhe tel a awm thu te a sawi bawk. Heng sport academy hrang hrang leh hostel-ah te hian a tam thei ang ber Hnahthial a\angin lut thei se a duh thu te, Scout & Guide chungchang te pawh sawiin  Hnahthial-a Unit ding uniform la nei lo te in awm a, naktuk-ah Aizawl lo kal ula, kan lo pe ang che u a ti. Hei bakah Pu Zoliana chuan National Corps Cadded (NCC) Hnahthial a din a nih ve theihna tura hma la turin zirtirtute a sawmin a chah bawk a ni.