Naupang kum 4 miin kum 2 mi tui tla chhan chhuak

Tlai khawhnua thu kan dawn danin May ni 3 (Thawhlehni) chhun khan Ramdinpuia kum 4 leh thla 1 Pu B. Malsawma, Hnahthial South VCP tupa chuan an \henawm te nau Vanlalruata kum 2 mi an Pu Sawma kawt tuizema bottle-a tui thal tur bu liam chu a ke-ah manin a hnukchhuak a, Vanlalruata hian engmah a hre tawh lova, puitlingin an bawisawm hnuah a rawn harh chhuak leh chauh a ni.
Vanlalruata hi a nu te nen Pu Sawma te inah hian lengin a nute TV en laiin kawta tuizem-ah bottle hmangin tui thal a tum chu tuizem kotlang-ah hian a bu liam ta a, hei hi a bula lo awm ve Ramdinpuia chuan a ke-ah man hmanin a theih tawpa a \an hnuah a hnukchhuak thei a, Vanlalruata lu hi tui-ah a pil hman avangin a hnuhchhuah pawh hian engmah a hre lo a ni. Ramdinpuia hian a nute a theih ang tawk tawkin ko mahse naupang koh ni ta chu hetiang thleng turah hian an ngai lova, an lo ngaihsak vak lem lova, a hnuhchhuah hnu hian an ina puitling awm ho chu chhuakin thil awmdan hi an hre ta chauh a, Vanlalruata hi bawisawm nghalin an ko vak vak a, hemi hnu hian a lo harh leh thei ta a ni. Pu B. Malsawma hian a in bulah hian tuizem lian pahnih a nei a, tuna naupang tlakna zawk hi feet 4 a thuk a ni a, a gate an hawn lai a he thil hi thleng a ni.