Bazar Sporting Club thiam ber

          Hnahthial Zone Football Association (HZFA) buatsaih Invitation football tournament chu vawiin chawhnu dar 2 khan Bazar Red leh Electric Red ten final an khel a, Bazar Red te hian 2-1-a hnehin  a hmawr bawk a ni ta.

          Inkhel a hmuhnawmin players te an che \ha hlawm hle a, chutih laiin kan mual diak lutuk avangin skill erawh a lang thei meuh lo a, mual \ha artificial turfs phah chunga kan \halai inkhelh ve theih hun tur a nghahhlehawm hle. First Half-ah goal khat chiah awmin Bazar a\angin Issac Vanmalsawma'n a khung a, an innawr tawn zak zak a ni deuh ber mai a, lehlam goal a thleng dun deuh reng a ni. Second Half \an niin an innawr tawn leh zak zak a, Electric lamin penalty an hmuh chu Zosangkima'n goal-ah a chantir a, 1-1-in an inhneh tawk ta, hemi hnu rei lote-ah Bazar lam hian penalty hmu ve lehin an captain P.C. Vanlalpeka chuan goal-ah chantirin 2-1-in Bazar-in hma an hruai chhunzawm leh a, inkhel an \angin mipui lam pawh an \ang bawk a, Electric lam hian an pet goal emaw kan tih vek laiin goal post hnunga net awng a\angin ball hi goal mouth-ah a lut zawk a lo ni a, hemi avang hian Electric lam hruaitu pakhat chu ground chungah lutin complain a siam a, mahse buaina liam tham chhuak lovin kan police lam an hruai chhuak zui ta a ni. Hun tawp thlenga Electric Red lam hian an si phurh hi an sut theih tak loh avangin 2-1-in Bazar hian hnehna an chang ta a ni.

          Lawmman hi Pu Jerome Lalremtluanga, President HZFA chuan semin Champion team Bazar Red hian Rs. 7,000 an dawng a, runner up team Electric Red te hian Rs. 5,000 leh Fair Play Award Bazar Red team te hian dawng bawkin pawisa fai Rs. 1,000 an dawng a ni.