Hnahthial khawtlang mamawh thlen dawn

Hnahthial Block Congress Committee hruaitute chu Khawtlang thil pawimawh hrang hrang thlen turin nimin khan an President Pu F. Zosangliana hovin Aizawl-ah an kal a, Inrinni hian an rawn let leh beisei a ni.

Congress hruaitute hian MLA inthlan dawn a, an party President, tuna Chief Minister ni ta Pu Lal Thanhawla’n a lo sawi tawh angin Hnahthial District ti changtlung turin an ngen dawn a, Health Minister-in a lo sawi tawh bawk angin Hnahthial District Hospital din thuai dan turte an thlen dawn bawk dawn a, heng bakah hian Hnahthial-a Taxation Site Office dah tur ten, AH&Vety Dispensary leh Industry te chu Sub-Division-a hlangkai tur ten an ngen dawn bakah Hnahthial leh Haulawng inkar kawng siamna tura cheng vaibelchhe 52 dah tawh chu ngaipawimawh hmasa tur leh Tuipui ‘D’ Marboat chhe tawh tak chungchang te, Gov’t Hnahthial College a Geography subject lak theihna tur permission leh Hindi School changtlung leh tha awm theih dan turte an thlen dawn bakah Village Council 4-a \hen chuchang te an thlen dawn a, Quarter awm sa vek tawh, SDPO leh Driver pawh a taka an awm theihna turin thlen a ni dawn a, Agriculture Office leh SDAO Quarter sak \hat chungchang te, Food Civil Supplies & Consumer Affairs Office chei \hatna tur te, Site Allotment Advisory Board (SAAB) function tawh mang lo a function leh theih nan te sorkar hotute hi an dawr dawn niin kan thu dawnna chuan a sawi.