Hnahthial Group YMA chuan Inrinni khan Venglai YMA Hall-ah Hnahthial khaw chhunga hnamdang (Vai) Mistiri, Helper, Thirchhe zawng leh sumdawnna lam khawihte an ko khawm. He hun hi Pu P.Biakkunga, President, Group YMA chuan kaihruaiin C.YMA-in vai mistiri leh helper hlawh a bithliah chu zawm ngei turin kalkhawmte chu a chah a. Ruihhlo leh sualna hrang hrang ah te fihlim tura ngenin hemi dona kawngah te hian i tangtlang ang u a ti. Khawtlang tana hnawksak leh dan zawm thei lo turte chuan Hnahthial Group YMA area hi chuahsan zawk mai ula, tiin. \ha taka awmte erawh chuan buaina leh harsatna an tawh pawhin kan theihna zawnah chuan puih kan huam reng a ni a ti bawk. He huna kal vai 33 zinga mi 9 chiahin Inner Line Permit (ILP) an nei a, chung zinga mi \henkhat chu an ILP-a inziak ang pawh in an la khawsa chuanglo tih hriat a ni. Group YMA chuan ILP nei lo te chu June 2011 chhunga siamfel vek tura ngenin 9th July-ah koh khawm an tum leh a ni.
No comments:
Post a Comment