Jeje Lalpekhlua National Player Hnahthial-ah a lo haw

Hnahthial fachuam, Jeje Lalpekhlua, India Football player chuan nimin chawhnu khan Hnahthial lo lutin Hnahthial Zone Football Association (HZFA) leh mi tlawmngai \hahnem takin Hnahthial kawtchhuah Vawkpuilutar-ah an lo hmuak a, Hnahthial khawpui chhung fan kualpui a nih hnuah an chenna inah a lut a ni.
Jeje-a hi Kum 1991 January ni 1 khan Pu F. Liankima leh Pi Hnunpuii te inkar-ah a lo piang a, Kum 2007 a\anga 2010 thleng khan Pune FC tan khelin hemi hun chhung tho 2008 a\angin National U-19 tan \um hnih a fehchhuak hman a, 2010 a\ang khan National U-23 tan khel leh in \um nga lai a fehchhuak tawhin tunah hian National player pangngai-ah kum 2011 a\ang khan khel lehin vawi 3 lai a fehchhuak tawh a ni. I-League lamah Indian Arrow tan khel-in tunah hian table-ah 9-naah an awm mek a ni. Jeje-a hmuahna Vawkpuilutar-ah hian Hnahthial Zone Football Association (HZFA) Hnathial Zone Volleyball Association (HVA), Electric Games & Sport bakah Badminton  Association ten chawimawina thilpek an pe a ni. Hemi hnu hian anchenna in Model vengah hun hman leh niin Upa R. Lalchhandama'n hunserh a hmang a, Model branch YMA, MUP, HZFA leh Model Sporting club aiawh ten thu an sawi a, anni bakah MHIP Model branch pawh chawimawina thilpek an pe a ni. Jeje-a hian a u te inneih zawh tlai-ah Aizawl a pan leh nghal ang a, Ni 9-a Lammual lawmna inkhel-ah a tel zawh hnuah a awmna lamah a kal leh tawh dawn a ni.