Mi rama Goal khung thei Jeje-a

India chuan pre Olympic Qualifier ah Qatar chu 3-1 in an hneh lo a. He Pre Olympic Qualifier hi Al Sadd Stadium Doha ah khel hmasa in 2nd leg chu Pune’s Balewadi Sports Complex ah June 23 hian khelh leh a ni ang. India leh Qatar inkhel-ah hian India hian hneh lo viau mahse Mizo te tana thu lawmawm em em chu tunlaia Mizo zingah mai pawh ni lo India ram pum huapa a goal thun theih em avanga lar em em leh tun dinhmuna amah tluk awm lo hiala an sawi Hnahthial tlangval Jeje Lalpekhlua chuan India goal awm chhun leh an hmahruaina hi 7mins. na-ah a thun a, India player te zingah chuan a che tha ber pawl a ni. India first 11 ah hian Lalrindika pawn hmun a chang pha bawk a ni. India hian match tan tira goal an thun bak kha han sawi tur vak an nei lo awm e, Qatar lam hian an duh duh hunah India defence hi an thiat thei emaw tih hial theih turin an chhaih buai thei a,India lam hian fitness, physical leh skills ah Qatar lam hi an khanlo hle tih a lang chiang khawp mai. Jeje-a goal thun hnu min 3 na lekah Qatar’s Captain leh an best player Hasan al Haydos penalty pet chu India goalkeeper Laxmikant Kattimani chuan a lo dang hlauh a, hemi hnu hian Qatar lam hian India hi nawr bet char char in an si phurh chu mawi tak maiin Al Khalfan an a sut leh a,half time ah 1-1 in an tawp ta a ni. 2nd half pawh 1st hlaf ang bawkin Qatar in ball an chang hnemin India an nawr tawm leh char char a,min 54 na ah Kattimani chuan hla tak atangin Qatar hmahruaina goal thun in 68mins-ah Qatar substitute Mohamed Elneel chuan an goal 3 na thun leh in 3-1 in Qatar chu an chak ta a ni.