Pu John Siamkunga'n a bial-ah NLUP 2nd Instalment a sem

          Pu John Siamkunga, MLA, chuan nimin chawhnu dar 3:00 khan YMA Run, Electric veng-ah a bial chhung cluster a Sericulture Department hnuaia NLUP trade thlangtu 53 hnenah NLUP second instalment pawisa Rs. 25,528.00 \heuhin a sem a, a vaia pawisa sem belh khawm hi Rs. 13,52,984 a ni.

          Thuchah a sawiah Pu John-a chuan NLUP hi mipui ten a \angkai thei ang berin hmang ila, kan tu leh fate thlenga rotling hemi hmang a kan siam theih nan \hahnemngai takin hlawhtlinpui ngei ngei ngei turin hun \ha kan neih laia thawk turin a fuih a, tuna Sericulture Dept. hnuaia mite phei hi chu an vanneih thu leh market awm sa vek a nih avanga an vanneih thu a sawi bawk. Pu John-a chuan, 'Ka bial chhungah nangni lo hmangaih tur ka nei lo, thisen zawmpui ka nei lova, ka bial mipuite hi ka \henrual \ha te ve in ni a ti a, chuvangin tunah pawh hian sorkar lam a\ang chuan theih tawp chhuahin kan hotute nen hma kan la a, kan tih tawh avangin in tih ve tur thinglung taka ti turin phut pawh ka phut ve che u a ni tiin a bial chhunga NLUP dawngtute chu theihtawp chhuah turin a chah a ni. Keimahni tan vek a nih avangin NLUP dawngtute tihlawhtling turin ka ngen tak meuh meuh che u a, hna thintlung tak taka thawk te chuan Pathian hnen a\angin malsawmna pawh an dawng nge nge \hin a, kan tih theih ve reng chu Pathian pawhin ti turin min phut a, kan theih loh chinah a lo lang \hin a ni tiin a sawi a, miin tih tak zeta hna a thawh chuan malsawmna a dawng \hin a, tuna NLUP dawngtute pawh tih tak zeta hma la turin a chah a ni. Heng bakah hian Pu John-a chuan a bial chhunga hna thawh hrang hrang te sawiin MLA a nih hnu kum hnih lek chhungin a bial-ah cheng vaibelchhe 20 chuan a hnuhluh tawh thu a sawi bawk a ni.

          He hunah hian Pu D. Enga Jt. Director Sericulture Department pawhin thu a sawi a, Pu Zathangliana, NLUP Nodal Officer DC's Office Lunglei-in a report-a a tarlan danin Line Dept. 8 awmin Agriculture hnuaiah mi 935, Soil & Water Conservation hnuaia mi 1528, Fishery hnuaia mi 169, Horticulture hnuaiah mi 1289, Industry hnuaiah mi 1508, Environment & Forest hnuaiah mi 755, Sericulture hnuaiah mi 145 leh AH & Vety hnuaiah mi 774 an vaiin chhungkaw 7,103 dawng tur an awm a, a vaia Lunglei Dist. chhunga pawisa sem tawh chu Rs. 12,90,54,058 a ni.