Nimin khan Hnahthial South Pastor Bial Worship & Music committee bul tuma neih Residential Staff Notation Camp kharna chu BCM Biak In Lungleng-ah neih niin he hunah hian Gospel Artist Betsy pawh a lo kal a, biak in chhungah hian hla pahnih neiin ‘Hlim takin i chawimawi ang’ tih hla a sak phei chuan inkhawm boruak a tinuam hle mai. Naupangte leh ṭhalaite’n ding-a kut bengin a hla an lo zawm dual dual a, inkhawm boruak a nuam tak zet a ni. Hemi hnu hian Naupang lam Sunday School-ah kalin a hla hit zinga pakhat Bible hla a sakpui a, naupangten nuam a ti hle.
Betsy-i hi a kalna hmun apiangah naupangten an ngaina in an bawr luai luai zel a ni. Hnahthial hi a kal tawhna khua ah chuan nuam a tih thu a sawi. Tun hnaiah hmachhawp lian em em a neih lem loh thu sawiin music video erawh a buaipui mek a ni. Tun ṭum B.A 2nd Year result chhuakah khan hlawhtlinna changin zir zawm zel a tum thu a sawi bawk a ni.
No comments:
Post a Comment