Jawahar Navodaya Vidyalaya a lut tur selection test neih a ni

          Jawahar Navodaya Vidyalaya Pukpui Lunglei-a luh dil te tan Pathinani khan Govt. Model Middle School Hnahthial-ah Selection Test neih a ni a, zirlai 120 dil zingah 55 (45.83%) chiahin exam hi an hmachhawn a ni. Selection test hi a rualin ram pumah neih a ni a, ruahman ang chuan April ni 9 khan test hi neih tura tih a ni a, mahse Right to Education Act vangin nimin khan sawn hlat a ni ta a ni. He selection tese-ah hian subject pathum : 1) Language English leh Mizo duh zawk zawk thlan theih 2) Mathematics leh 3) Mental Ability-ah naupangte’n exam hi an hmachhawn a ni. Chhanna te hi vawiin aia tlai lovah Thenzawl JNV thleng hman tur a ni a, anni hian Central Board of School Education (CBSE) Guwahati-ah an thawn leh ang a, hetah hian chhanna hi en a ni ang a, August thla tawp emaw, September thla tir-ah emaw result hi hriat thei beisei a ni. Hetiang tho hian India ram hmun hrang hrangah Selection Test hi neih niin Lunglei District chhungah chuan |awipui ‘S’ Lunglei, Lungsen, Hnahthial leh Tlabung-ah te selection test hi neih a ni a, 

          Jawahar Navodaya Vidyalaya-a lut naupangte hi an ei leh in, mut bu bakah zilaibu zawng zawng sorkar-in a tum sak \hin a, an zirna pawh a \hat thawkhat thu an hotu Lalrinchhana chuan sawiin tuna Pukpui Lunglei-a mi pawh hi an hawnna a lai rei loh thu leh District tinah a awm theih thu a sawi bawk.