Pu Lalhmangaiha Sailo President MPC leh a thawhpui te chuan nimin khan YMA Run Electric Veng-ah Hnahthial khawchhunga chanchinthar thehdarh tute an kawm a, chanchinbumite an kal \ha hle.
Pu Lalhmangaiha Sailo chuan MPC Party hian Zoram hmasawnna tak tak thlen tur Policy Six Basic Needs 1.Ei leh bara intodelh 2. Mizoram luite a\anga a kawlphetha tam tawk siam chhuah 3. Mizoram khawtin inkal pawhna kawng \ha 4. Inkalpawhna (Rel, Thlawhna, Lawng, Telecomunication) hmanga tih changkan 5. Thingtlang mipuite hmasawnna ngaihtuah 6. Tui In tur tha mitin tana hnianghnara pek neitu an nih thu te, he Six Basic need hi khawvel ram rethei leh ram hmasawn tawh pawhin an mamawh, a tel lo a hmasawnna thlen theih a nih lozia chiang taka sawiin Zoram ngei pawh hian hmasawnna tak tak nei tur chuan Six Basix need hi a hlawh tlin a \ul a, He six basix need hlawhtlinna tur hian hmun hrang hrang lo kal darh tawh MPC Policy tuipui tak tak tute lo haw khawm leh turin leh MPC mipui mai nilova Zoram mipui zawng zawngte kan ramin hma a sawn theih ngeina tur atana thawhpuiah a sawm a ni. Pu Lalhmangaiha Sailo chuan "Mizoram intodelh theihna turin Power Project tha kan neih a, kan ram luituite khuap a Power kan siam chhuah tam hi a tul a ni, Hetiang ang a Power kan siam chhuah tam chuan kan ram hmasawnna turin Factory liante kan din thei ang a, kan hman bang kan hralhna sum ringawt pawh miretheite chawikanna tham tur kan siam chhuah hi a tul a ni" tiin a sawi bawk a ni. Pu Lalhmangaiha President MPC chuan Mizoramah Sorkar tha (Good Governance) hi kan mamawh tak zet a, chutianga Sorkar tha a awm theihna tur chuan Dan hmanga rorelna dik (Rule of law) a pawimawh a, Corruption do te, Administrative reforms te hi a tul a, hemi ti thei tur hian kei leh ka thawhpuite hi kan in ring tawk a, Kum 2013 MLA inthlan lo awm turah pawh hian kan theihna zawng zawngin Sorkar siam hi kan tum dawn a ni a ti.
No comments:
Post a Comment