MZP-in Offer of Appointment Letter halral

 

         Mizo Zirlai Pawl Headquarters Lunglei chuan Dt.9th Feburary 2011-a Village Level Assistant (MGNREGS) atana Offer of Appointment pek tawh tun thlenga Party Politics avanga a hna thawh tir loh Dt. 2nd June 2011-a Rural Development Minister Pu R. Lalzirliana hnen a, a hna thawh tir tur a a ngenna in awmzia a neih loh avangin Offer of Appointment Letter No. B.13018/51/10-DRDA(L)/MGNREGS(S)/291 Dated Lunglei the 9th Feb 2011 chu nimin chhun dar:11:20 khan Mizofed kawt Venglai, Lunglei-ah halralna hun a hmang a ni.

          He hun hi Benjamin Vanlalfela Treasurer MZP Hqrs Lunglei in a kaihruaia, he hun a thu sawi tu Pu Lalbiakchhunga Ralte, President MZP Hqrs Lunglei chuan “VLA atan hian Interview Board District Programme Co-Ordinator/Deputy Commissioner Lunglei hova \hukhawm chuan mi pahnih Lallianzuala leh H.Laltlanzuala chu he hna atan hian Offer of Appointment an pe a, H.Laltlanzuala hian he hna hi Dt.11th Feb 2011 khan a thawk duh a ni tiin, a hna thawh lai ICDS Office atangin banna a theh lut a, amaherawhchu Party Politics rawn lut in Official tena dik leh fel fai taka an lak chu Party Politics avanga kal tlangpui lo tura tih a ni ta hi MZP Hqrs Lunglei chuan a dem takzet a ni. Kan sawrkar rorelna dik duh tute hian  thuneihna inchhuhsak zel hi em ni change a tih? Dikna hi a ni lawm ni luipui anga luang tur chu, hetianga thuneihna kan Centralised zel chuan Zoram zim te a cheng Zofate hi kan in \hen darh mai ang tih a va hlauhawm em? Heti khawpa rorelna dik a awm theih nana sawrkar kal dik lo tur venga pawl hrang hrang MPF, PRISM, SOSA, MZP, MSU, YMA leh pawl dang dang ten  thahnem ngaia sawrkar an venpui laia ven sen loh a ni hi pawi kan ti a, Sawrkar kal dik lo tur venna kawngah MZP Hqrs Lunglei hi hnung tawlh a tum lova a kal zel dawn a ni tih hi kan sawrkar thuneitu te hian lo hre mawlh rawh se, rorelna dik chu kan ram ah lo luang zel sela, Party Politics avanga dik lo taka thil tih te he kan documents halral hian thian fai mawlh rawh se” tiin a sawi a ni. He hun hi H. Muansangpuia Secy i/c Games & Sports & Organisation in tawngtai in a hlan a hemi hnu hian Sawrkar laka Lunglawi lohna lantir nana Poster tar na hun hman a ni.