Pu John Siamkunga hovin HPC Cup 2011 Trophy lawm a ni

          Pu John Siamkunga, MLA hovin HPC Cup 2011 Trophy lawmna Hnahthial Zone Football Association buatsaih chu nimin chawhnu dar 1 a\ang khan Inspection Bungalow PWD-ah hman a ni a, sawm bik te tan chawhlui kilho nghal a ni.

          Lawmna thuchah a sawiah Pu John-a bialtu MLA chuan kalkhawm mipuite chu remna chibai a buk a football hi pawn lam a\anga en ang ngawt a nih loh thu te, ball pet harsat zia te a sawi a, players te chak zia leh tuna HPC Cup chawitu players te pawh nau pang te te ni mahse an chak a, an khel a mawiin a hmuhnawm a tih thu a sawi a, infiammite tan scope a zauh tawh thu te, Hnahthial hi sports lama thiam a tih thute, football chang lo pawh hockey te, boxing leh a dang dang pawh Hnahthial inkhel TV lama a en \hin thu te a sawi a, ka zawh hian ka bial chhung khuate hi inkhel thiam tak khua vek in ni a, vawi khat na reng reng chu tournament pui tham tak buatsaih a ni ang a ti a, khaw intihthiam lohna leh inerna boruak a awm chuan kan chhunzawm thei lovang a, a awm loh erawh chuan chhunzawm zel a ni ang tiin a sawi bawk a ni. Tunlaia sawi hlawh tak cheng vaibelchhe 2 chuang senga siam tur play field chungchang sawi kaiin Pu John-a chuan he sum hi Hnahthial chhuahsan lo tura a beih thu leh a hmunhma chungchangah pawh khaw mipuite an pawimawh thu a sawi bawk a ni. Infiammite chu zuk leh hmuam leh ruihtheih thil laka fihlim turin a chah a, faina hi changkan tehna a ni thu leh fai hi a pawimawh a, zuk leh hmuam leh ruihtheih thil laka fihlim hi changkanna a nih thu a sawi bawk a ni.

         

          He hun Pu H. Hmingthanzuala, HZFA Secretary kaihhruai-ah hian Rev. Lalthlamuana'n Pathian hnena inhlanna hun a hmang a, Pu F. Liankima'n inlawmna thuchah sawiin Hnahthial North leh South VCP ten thu an sawi bakah Pu C. Lalhmingmuana'n HPC Cup an khel dan technical report a pe a, Pu F. Lalkima'n vote of thanks sawiin kalkhawmte a hin a, zaithiam zai nghaithlak a ni bawk a ni.