Soil & Water Conservation Division Office sawn a ni

          An office hmun a buai avanga an awm theih tak loh avangin Soil & Water Conservation Department Division Office chu Electric Veng-a Range Office hmun-a an Rest House-ah sawn thlak fel a ni ta.

          Pu Lal\anpuia Varte Divisional Officer  chu nimin piah khan a nupui fanaute nen Aizawl a\anga rawn pheiin office sawn hi a rawn buaipui a, tun Inrinni hian Aizawl a phei leh ang a, LOC chungchang leh office thil pawimawh hrang hrangte a buaipui leh dawn niin Huihchhuk a hrilh. Pu |anpuia chuan MNF sorkar laia Saiha Division hnuhlet leh kawnga bialtu MLA hmalakna fakawm a tih thu a sawi a, MNF kha la sorkar ni ta sela chuan Saiha-ah office kan kai ngei ang a ti. Tun dinhmunah Range Officer te Division-a Office thil pawimawh buaipuia an rawn kal changa an thlenna tur ber Office-a hman a nih tak avangin Pu |anpuia chuan Office building sakna tur pawisa hmuh thuai theih nise a duh thu a sawi bawk a ni. An Office hmun hlui a neitu hmasa te’n an khinna chungchang sawiin cheng nuai 12 pek an nih hnu pawh chhuahsan a \ul hi hriatthiam harsa a tih thu a sawi lang bawk a, hei hi MNF sorkar pawhin Division an sawn na chhan ni a a ngaih thu a sawi bawk.   Office an chhuahsan tak building Pangdar ami chu tunah hian auction-a tih ral a ni dawn ta a, August ni 5-ah auction chhanna hi hawn a ni dawn a ni.