Tui thianghlim leh thianghlim loh test-na Lab. din a ni dawn ta

          Hnahthial-ah PHE tui thianghlim leh thianghlim loh test-na Laboratory din a ni dawn a. He Laboratory din tur hian nizan khan State Refferal Institute, Public Health Engineering Department Aizawl a\angin thawktute an rawn thleng a ni.

          He Laboratory dinna tur hian thawktute chuan hmun pahnih an en thu leh hetah hian duh zawk an thlan tur thu an sawi a, Aizawl a\anga mithiam lo kal te chu : Pu H. Biakkunga, Analysis, F. Vanlalruati, Laboratory Technician, Melida Lalthafeli Bacteriologist. leh midangte an ni. Pu Biakkunga sawi danin tun hi Mizoram pum-a Laboratory 13 an dinna tur a nih thu leh hetah hian Department tui kher lo mimal tui te pawh a test theih tur thu te, Central sorkar-in tui thianghlim kan in theihna tur a 2010 Health for All ruahmanna bawhzuina a nih thu te, hei hi thingtlang ah pawh tui thianghlim an hmuh theihnaa hma lakna a nih thu a sawi a, khawtlangin an hman \angkai dan a zirin a \angkaiin a \angkai lo dawn a ni a ti a, Hnahthial khawpui mai ni lo, kan chhehvel a khua te tuilakna a mi tui te pawh a test theih vek tur thu a sawi bawk.

         Pu Biakkunga’n a sawi zel danin tuna an din turah hian anmahni lam chuan an awmchilh dawn loh thu leh helai a mite an zirtir tur thu te, tlem a zawng a hriat hnuah leh hun engemaw chen an kalpui hnuah Aizawl lamah thawktu te training pek an nih tur thu a sawi bakah tui \hat leh \hat lo chuah anni lam chuan an vil tur a nih thu te, tui thianghlim lo ti thianghlim tura filtration leh treatment plan siam chu Division kut a nih thu te a sawi bawk a, tun kar chhunga indin fel hman an tum thu leh an duh aia tlaia din a nih chunchangte Pu Nghaka EE awm
lai pawha an rawn enfiah tawh thu te, rawn indin mai an tum laia transfer a nih tak thu leh in luah tur remchang an hmuh mai loh avanga rawn indin har deuh an nih thu a sawi bawk a ni.