Hnahthial Town Village Council Association member-te chu nimin khan Information building-ah thukhawmin hun rei tawh tak atanga Hnahthial College-a Professor post ruak 4 zet hnawhkhah a nih loh chungchangah leh tunhnaia English Deptt-a Asst. Professor Lalsangpuii transfer order tihchhuah a nih leh tak avanga zirlaite lungawi lovin ni 3 lai Class an boycott ta chu pawi an tih thu leh Zirlaite harsatna tawh chu sorkarin a ranglamin chinfel sak thuai se an duhthu an tarlang a. Hnahthial Police Station Motor (Gypsy) hlui tawng tawh lutuk avanga Police ten harsatna tawk fo pawh thuneitu ten a ranglama enfiahin Motor hmantlak dah ngei se an ti bawk. Hnahthial Police Station Gypsy kawl mek, MZ 01B/2656 hi 1998 Model niin Police Headquarters-ah leh Lunglei-ah te kawl a nih hnuin kum 2002 khan Hnahthial Police Station hman atan hian dah a ni a, hun engemawti atang khan a chhe zing hle a, tunah phei chuan kawng chho hlekah pawh a tlan thei tawh lo a ni. Hemi a nih avang hian emergency thilah phei chuan Police-te hian harsatna an tawk nasa thin hle a, mipui tan pawn thil buaithlak a awm phah fo thin a ni. Hei bakah hian Independence day-a Hnahthial Truck Owners' Association nen an inkhelhna turah ruahmanna hrang hrang an siam nghal bawk a ni.
No comments:
Post a Comment