Zirlai naupangte tan Career Oriented Course (Piggery) chu nimin khan Govt. Hnahthial College-ah hawn a ni ta, hun hmang tur hian zirlai naupang bakah vawk vulh lama tui mi engemaw zat an kal khawm a ni.
He hun Pu R. Vanlalpana, Coordinator Career Oriented Course kaihhruaiah hian Pu Vanlalhnema, Principal Govt. Hnahthial College chuan thu sawiin BA emaw MA emaw pass pawh ni ula tun dinhmun-ah Mizoram-ah hna a van tawh avangin tihpuitu \ha neih loh chuan hna hmuh a harsat tawh zia te, tuna career oriented course piggery pawh hi \angkai takin hmang tura a duh thu sawiin hemi atan hian zirtirtu pawh a hrana lak a nih tur thu te, zirlai 30 a\anga 40 ruahman chhin a nih thu te, 40 aia tam zir duh an awm pawhin engmah harsatna awm loh tur thute, heta zir te hnenah hian certificate pek an nih tur thu leh hei hi loan dil nan thlenga thil \angkai tur a nih thu te sawiin zirlai ni ve kher lo vawk vulh lama tui mite pawhin an chhim ve theih tur thu te, zirlai ang erawh chuan certificate an pek theih lo tur thu te, zirna hi a pawimawh rual rualin tun kan dinhmun-ah hna hmuh a harsat tawh avangin miin tih tak zet-a vawk a vulh chuan eizawnna tling a ni thei a, vawk vulh kher lo pawh kan khawtlang-ah mi thiam tak tak kan nei a, ei siam lamte tih chhoh zel an tum thu a sawi bawk a ni. College hmasawnna hrang hrang sawiin Pu Hnema chuan zirlai pawh tun dinhmunah 100 chuang an neih thu te, tun anga thawhhona a \hat chhoh zel chuan kum 4/5-ah chuan pangngai tak an nih theih tur thu te sawiin, college ram Roman Catholic pek mahse anni lam pawhin an hman \angkai loh an hlanlet leh dan te a sawi bawk a, tunah hian teaching aid atan UGC-in cheng nuai 17 a pek thu leh hei hian tunlai hmasawnna thil chi hrang hrang lei a nih tur thu a sawi bawk a ni. Heng bakah hian hlawhtlinna chungchang sawiin Pu Hnema chuan harsatna kan tawh pawhin kan hmachhawn ngam phawt chuan hlawhtlinna kan chang thei ang tiin a sawi bawk a ni.
He hunah hian mi thiam tak tak te'n thusawina hun an hmang a chungte chu Dr. Lalmuanzovi, Programme Coordinator, KVK Hnahthial chuan 'Role of Agriculture and Allied Sector' tih thupui hmangin a sawi a, Dr. Zohmingliani Hrahsel pawhin Scope of Swien Farming in NE India with Special Reference to Mizoram tih thupui hmangin a sawi bawk a, Dr. Evangeline Pari, B.V. Sc. Instructress ITC Hnahthial pawhin Benefits of Farming tih thupui hmangin a sawi bawk a, hemi hnu hian zawhna leh chhanna hun hman a ni.
No comments:
Post a Comment