Hnahthial R.D. Block huam chhunga VC \ha thlanna nei

          Block Development Officer & Programme Officer MGNREGS, Rural Development Hnahthial chuan Block huam chhunga Village Council thlanna neiin Rawpui leh South Vanlaiphai Village Council te chu VC \ha bera thlan niin Bualpui 'H', New Ngharchhip leh Tuipui 'D' VC te chu VC chhe ber-ah thlan an ni.

          He thil buatsaih a nihna chhan leh hemi chungchang hi Pu R. Rohnuna, mcs chuan ti hian a sawi, a lo awm tawhnaah hetiang hi an buatsaih tawh thu leh helai-a a awm hnuah pawh buatsaih a tum thu Project Director DRDA-a rawtna a thlen chu Project Director chuan tihlawhtlingin Lunglei District huam chhunga R.D. Block hrang hrangah hetiang hi neih a ni thu te,  Block hrang hrang huam chhunga VC te chu kum 2010-2011 chhunga CSS hrang hrang an enkawlna a\anga tehin thawk \ha ber leh thawk chhe ber thlang turin a hriattir a, Hei hi Village Council ten CSS an thawhna kawngah tun aia hmasawnna rotling zawk a lo awm theih nan te, thingtlanga cheng ten hmasawnna tur pawisa kim taka an dawn theih nan te, mipui dikna chanvo humhalhsak a nih lehzual thihna atana buatsaih a nih thu leh heng CSS hrang hrang enkawltu VC hrang hrangte inkarah inelna thianghlim (competition) a lo awm theihna atan buatsaih a nih thu a sawi a ni. Pu Hnuna chuan Village Council hna thawk \ha tak tak midang tam tak an awm tih an hriat thu te, thlan chhuahte hi a lawmpui rualin Village Council dangte pawh \an la sauh sauh zel turin a chah a, 'A hnuhnung ber pawh a hmasa ber thei' tih a ni angin R.D. Block Hnahthial hi Block \ha ber a siam an tum thu a sawi a ni.

          R.D. Block, Hnahthial huam chhungah hian Village Council 23 a awm a, heng VC te hi endikna chi hrang hrang, an hnathawhna tur scheme an hre bel em tih te, record an vawng \ha em tih te, hna an thawhna kanwgah an hna a \ha em tih leh an hna thawh tur ruahman tawh kalsanin hna dang an thawk em tih te, he hna hi eng hna nge a nih tih hriat theihna tar chungchangah te, Bank hmanga MGNREGS hlawh mipuite hnen an sem chungchangah te, an hna thawhna hmunah hmanrua an hman dan chungchangah te, Social Audit an neih dan chungchang-ah leh miharsa zawkte in sak \anpuina IAY dawng tur thlan leh a tihhlawhtlin kawngah te endik a ni.