Nimin khan Lunglei Dist KVK Hnahthial buatsaihin Farmer Scientist Interaction AMFU Dist Hqrs Office Lunglei ah neih a ni. He hun hi AMFU Dist Hqrs President Joseph Thanzuala chuan kaihruaiin, AMFU thil tum bakah hmalakna hrang hrang an neih tawh dan leh hmachhawp an neih mek dan te sawifiah. Dr. Lalmuanzovi, Programme Co-ordinator KVK Hnahthial chuan KVK awmzia leh Hnahthial hmuna awm ni mahse Lunglei Dist KVK a nih dan te sawifiahin, Lo neitute tana an hnathawh dan kawng hrang hrang te a sawifiah bawk a, thlai chin dan dik leh a enkawl dan te bakah kuthnathawktute tana an hmalakna hrang hrang te slide projector hmangin a entir nghal bawk. Hetiang KVK leh AMFU lam ten an hmalakna hrang hrang leh kuthnathwktute tana ruahmanna an neih te an sawifiah hnu hian, he huna kalkhawm kuthnathawktute leh Media lam te chuan AMFU leh KVK kaltlanga kuthnathawktute tana tangkai zawka hmalak chhunzawm zel dan tur leh kuthnathawktute harsatna hrang hrang te sut kian dan turte an sawiho nghal bawk a, AMFU Dist Hqrs Lunglei leh KVK Hnahthial te pawhin kuthnathwktute hmakhua ngaia a theih chen chenah thawh dun zel tha an tih thu an sawi bawk.
No comments:
Post a Comment