Thiltlang-ah Blood Donation Camp neih a ni

          Thiltlang Branch YMA buatsaihin nimin khan Blood Donation Camp Thiltlang Community Hall-ah neih a ni a, Thisen petu te hi an vaiin mi 46 vel an ni a, he hunah hian Lunglei Civil Hospital Blood Bank a\angin Dr. Zolianthanga, counsellors 2 leh Technician 2 leh driver 1 an vaiin mi 7 ten an rawn lak sak a ni.

          Hawnna-a thusawi tu Pu P.C. Liansiama, President Thiltlang Branch YMA chuan khawlaia tlangval inti huaisen tak ni mai lova nula/tlangval huaisen thisen pe ngam heti zat kan awm hi a lawmawm hle a ni tiin a sawi a, thusawitu dang Dr. Zolianthanga pawhin thisen pek hlauhawm loh thu leh a \angkai zia thu te a sawiin Kohhran pawl hrang hrang \halai ten kan pek uar viau laiin Baptist lam \halai te'n kan pek tlem thu a sawi bawk a. Tun dinhmun-ah nitin thisen unit 5 a\anga unite 7 vel Civil Hospital Lunglei-ah mamawh a nih \hin thu te, kum khat-ah phei chuan unit 1,800 lai an mamawh thu te, tun thla kalta May leh June thla pawh kha voluntary-a petu vek an nih thu leh inkoh khawm chak chak chang chu awm bawk mahse, a tam zawk hi chu voluntary a\anga an dawn a nih thu a sawi bakah khawi hmunah pawh kal chilh an inhuam reng thu a sawi bawk a ni. Thiltlang Branch YMA President zawhna a chhan danin an thiltihna-a senso zawng zawng hi Rs. 5,000 a nih thu leh hetah hian Ar sawhchiar, rasgula leh thingpui thisen petute tan an buatsaih sak a, blood bank lam hotute'n squash engemaw zat an rawn tum sak thu a sawi bawk.