Induction Training cum Workshop Lunglei-ah \an ni ta

          SSA Mission Lunglei Dist. hnuaia Art Education leh Health & Physical Education Instructor te tan Induction Training cum Workshop July ni 27 thlenga neih tur chu nimin atang khan neih tan ni tain, a hawnna DC’s Indoor Stadium Lungleia neih chu Pu C. Lalhmangaihzuala Dy. DPC, SSA Mission Lunglei Dist. chuan kaihruaiin, Pu R. Laldawngliana, DPC SSA Mission Lunglei Dist. chuan a hawng.

          Hawnna thu sawiin Pu Dawnga chuan Art Education leh Health & Physical Education Instructor training tura lo kal khawmte chu SSA chhungkuaa tel an nih thu sawiin, an hnathawhna kawngah Naupangte ngaih pawimawh a tul thu a sawi a. Naupangte hi Pathian thilsiam duhtak, kan hnam rohlute an ni a, chuvang chuan kan ngai pawimawh tur a ni tiin, Instructor-te chu an hnathawhna hmun, an awmna apiangah tha taka hna thawk a, danglamna thlentu ni theuh turin a chah a ni. Nimina a hawnna hun hman zawh a nih hnu hian SSA Mission chungchang, Consept of CCE leh Grading pek chungchang zirtirna neih chhunzawm nghal a ni a, training tura lo kal khawm Instructor-te hi an zavaiin mi 121 an ni. Training-ah hian DIET Aizawl-a thawhtuten zirtirna an pe a ni. Art Education leh Health & Physical Education Instructor te tan Induction Training cum Workshop neih hian tun thla July ni27 thleng hi a awh dawn a, vawiin hian Health & Physical  Education, Work Education leh Art Education chungchang training neih chhunzawm leh a ni ang.